Mewluda Nebî Kürtçe Sözleri - 2. BÖLÜM

2. Bölüm

Ew kesê ku talibê xeyrê pir e

Guh bide vê mewluda peyxember e

Yek rîwayet ku ji Muhemmed hatiye

Qedrê mewluda me ê ku girtiye

Hin pere mesruf kirî ber mewludê 

Wek çiyakî zêr di xeyrê dadidê

Lê ebubekrê siddiq gotî bira

Kê di ber mewludê ra serfkê pera

Hem bide xwendin bizanî qîmetê

Bû hevalê min di rê ka cennetê

Got omer mewlud go kê teqdîr kirî

Wê ji xwe ra îslametî îhya kirî

Gotî osman mesrefa mewludê deyn

Wek tu çûyê xezweya bedr û huneyn 

Hem alî derheqê wê da gotîye

Qedrê mewluda Muhemmed girtiye

Wê bi îman derkevê bal axretê

Bê hîsab ew kes diçê nav cennetê

Surrê seqtî fexrê razî hem cuneyd 

Ya fi’û me’rûfê kerxî ey ‘ubeyd 

Her weha şeyxê welîyan yek bi yek

Wesfê mewluda Mumemmed dan gelek

Gotine ku ew mirovê qenc û zan

Ba kê çand ehlê birayê misliman

Wer girê lubsê munasib bêhna xweş

Mewludek da xwendin û ba dilkî xweş

Wê herê heşrê di gel sefa berê

Di vexwêy avê ji hewzê kewserê

Ê ku xwendî ser pera zêde bûwî

Ji bo Muhemmed nabê vala destê wî 

Go sual jê tê kirin bi îzna xwedê 

Ew di qebrê da cewabek xweş didê 

Xaniyê mewlud ku têda xwendina

Tê hemandin ew ji diz û duşmena 

Hem ji şewt û xerq û afat û bela

Hem hesûd û çav xirab û hem xela (ğela)

Meclîsa mewlud gotî xwendin li wî

Lê heta salkî melek naçin ji wî

Ew didin rehm û selatan ser kesê

Daye xwendin mewluda wê meclîsê

Kê bi mewludê ra deynê xwarinê

Çend musulman guh bidin vê xwendinê

Ê bixwey zad û taamê mewludê

Têne qelbê wî hezar rehmê xwedê

Ger bixwê hin xwê genim yan şerbetê

Ew ji qelbê wê dibê her ‘illetê

Ew kesê eşqa Muhemmed pêre bê

Ku bikê qesda ciyê mewlud hebê

Ku herê wê meclîsê bi vê nîyetê 

Her wekê wî kirye qesda cennetê 

Kî dixwazê ku Muhenmed şa bibê

Qîmetê vê mewluda wî zanibê 

Lew bi hûbba wî îman kamil dibê

Cenneta baqî bi wî hasil dibê 

Ê ku qîmet dane mewluda nebî 

Bûn xwediyê qedr û keramet ey ebî

Pir ji eşqa wesfê wî mesref kirin

Wan meqamê ‘alî xeyrê pir birin

Em bi çêbûna Muhemmed pir xweş in 

Em misilman serbilind in dilgeş in

Ez ji dana wesfê wî dûr im heqîr

Nîn e eşqa dilmirî me ez feqîr

Hûn ji eşqa dil bibêjin berdewam

Ser Muhemmed essellatu wesselam.

Hub: Sevgi, Tutku

Zad: Azık, Yol Azığı