Bê jimar hemd û senayê qelb û can, Em didin boy Xaliqê kewn û mekan Wî bi însan daye zanîn ba-kerem Xwendin û hem hîkmet û 'ilm û qelem Ewwel û hem axire Rebbê 'ezîm Hem 'elîm û hem Kerîm û hem Rehîm Malikê eflak û ezman behr û ber Raziqê cumle heyîne ruhdiber Em temam anîn wucudê bi qudretê Cin û însan wî bi îsmê rehmetê Nîmeta xweş em kirin ku musluman Hem Muhemmed ser serê me kir şivan Boy hîdayet da me Qur'ana Kerîm Rehberê çûna sîratel musteqîm Ey Xwedayê bê şerîk û bê mekan Tu me bê îman nehêlî tu zeman Dûr nekî me ta hebin ku em bijîn Yek demê ya Reb ji dînê xwey mubîn Me bikî ya Reb ji ehlê pir wefa Tabi'ê rêka Muhemmed Mustefa Şaş nekî me ji vê rêyê ta axretê Ta herin em nêv cînan û cennetê Em ji eşqa can û dil ba xweş kelam Her bibêjin es-selat û wes-selam AMADEKAR: Pejmürde Nîşe: Amadekirina gotinên Mewluda Kurdî de gelekî keda min heye. Ji ber vê kopîkirin û hwd. bloga min nîşan bidin. Not: Büyük bir emekle yazdığım ...
Yorumlar
Yorum Gönder