5. BÖLÜM - Rehberê Xelasî

Piştî  'îsayê Mesîh ku çû sema
Yek resul û yek nebî li dinyê nema

Hin bi hin nêzîk dibû dewra werê
Afîtaba her zeman û her derê

Berya roja Ehmedî bê ser cîhan
Kêm dibûn ew roj bi roj heq rê-rewan

Çend yekê ehlê kîtabê dil şiyar
Wek Behîra çav li rê man hêvîdar

Lew nebî 'îsa û Mûsa herdû ka
Dane mizgîn wan Muhemmed Mustafa

Her çi tewrat her çi Încîl hê ji kevin
Wan didan ewsafê wî zatê mezin

Daye nîşan ku lı dor 'erda feran
Bête dinyê xatemê peyxemberan

Jar û mazlûma dixwest ew bête lez
Lew li çolê bê şivan bû mislê pez

Lew mulûkên bê îman li her derî
Wek gurê har bûn lı ser xelqê bêrî

Zalimên mehrûmê rehm û şefqetê
Hiştîbûn 'alem di nêva zulmete

Ser welat û mulkê dinyayê temam
Roj veşartîbû di nêv 2ewr û xumam

Qetl û talan kufr û tuxyan zêde bû
'Eyb û 'arî sıdq û rastî lê nebû

Hukm û ehkam destê zordestan de bû
Xwediyê bindestan li ber wan lê nebû

Her kesê bê mal mulk ew kole bûn
Deste nêçîrvan de ew wek tole bûn

Xeyrî maldar û tucarên xwînmijî
Mêr jin her kes di koletiyê dijî

Qers û avaniyê wa yê muhteşem
Debdeba wan ku tu dem nayê qelem

Ev tev ava bûn li ser xelkê ketî
Ev wiha reng bû di nav her milletî

Pir zeman borî i dinyê lê belê
Ra nebû ji ser 'alemê ev zulmê lê

Kes nebû lew alîkarê birçiya
Kes ne ket ber dijminê wek ejdiya

Wek tevê dinyê temam mulê 'ereb
Zilm û zorî lê hukum bû roz û şeb

Dînê tewhîdê ji erdê wan hilat
Bûne 'ebdê Lat û 'Uzzaû Menat

Mekkeyê qudsî digel beytul-heram
Ew kirin putxane wan qewmê senem

Boy tevê qewmê 'ereb ew qible bû
Nêv yemen Şam û Hîcaz wek wê nebû

Lew ji boy vê xwest xera ke Ke'beyê
Ebrehe tev leşkerê xwe daye rê

Lê xweda beyta xwe hamî ne hişt
Ew ji zulmê zalima bê paye hişt

Ref bi ref teyrê ebabîl pir gelek
Anî ser Eshabê Fîl Rebbê felek

Wan di avêt ser neyara pir zuxur
Ta helak bûn di nêva zûre zûr

Muşrîkê Mekkê bi heyr li sêr kirin
Lat û 'ûzza wê demê hêj ji bîr kirin

Qudreta Reb da nîşan ev mucîze
Her kesî dît fîl li ber çûk acîz e

Pêncsed û heftê û yek sal bû jimar
Ku ji mîlada Mesîh çû rûzigar

Nêv dîrokê bûye meşhûr ev zeman
Ew bi sala fîl tê zanîn bêguman

Em ji eşqa can û dil ba xweş kelam
Her bibêjin es-selat û wes-selam

AMADEKAR: Pejmürde
Nîşe: Amadekirina gotinên Mewluda Kurdî de gelekî keda min heye. Ji ber vê kopîkirin û hwd. bloga min nîşan bidin.
Not: Büyük bir emekle yazdığım Kürtçe Mevlüt sözlerini blog yada YouTube kanalımı kaynak olarak  göstermek koşulu ile kopyalayabilirsiniz.