3. BÖLÜM - Rehberê Xelasî

Muşterî bit kî ji boy rewdê cînan
Lazim e ew li pey Muhemmed bit rewan

Ew ji bo me kir mîsal Rebbê 'ezîz
Bê jiyan û sunnet û rêza temîz

Kî di pey şopa Muhemmed ku herê
Destê Rehman wê li ser bê li her dere

Wê vebê deriyê seadet li berê
Nabe poşman ew di roja mehşerê

Lew di cejn dawet û huzn û xemê
Hem şev û rojên mubarek her deme

Em Muhemmed yad bikin ey musluman
Qelb û canan em bikin pê şadûman

Kî ziyafet kê bide ji boy mumînan
Ferq nexê nava feqîr û zengînan

Ew ji mêvana re bigre hurmetê
Hem li miskîna bike pir şefqetê

Hem li mala wî di nav çend mumînin
Bête xwendin Mewluda Nebiyê Emîn

Em dikin hêvî ji Rebbê Muste'an
Wî bike xwedyê diayê salihan

Hem ji afat û bela wî dûr bikê
Wî di her du 'alema mesrûr bikê

Ser civata mewludê hem digre nûr
Cumle şeytanên le'în jê dibine dûr

Hem huzur tê qelbê ehlê suhbetê
Têne hem nav muslumana muhbetê

Em divên pê rabe zor û qehr û kîn
Bibe wesîle ji boyî bê sulh û evin

Ev nesîhet we'z û şîret ev selam
Xwendina mewludê pê bû xweş kelam

Navê Rehman bête gotin li ku derê
Ref bi ref mewcê melek tên wê dere

Lew Xwedê got meclîsê pak û temîz
Ser meqamê pir mezin digrim 'ezîz

Deng hemd û zikrê însan û melek
Digihê ser qatê semawat û felek

Ey birayê tabi'ê dînê mubîn
Tu ji vê xêra mezin mehrûm nemin

Muşterî bit mislê mêşa hingivî
Tu li kulîlkan pirsiyar bit her demî

Her gulîstana gula tê meş bike
Xweş bike cerg û dila tê geş bike

Hemd û tesbîh û selatan tu bixwîn
Pê bibe xwediyê heyat û hilm û jîn

Em ji eşqa can û dil ba xweş kelam
Her bibêjin es-selat û wes-selam

AMADEKAR: Pejmürde
Nîşe: Amadekirina gotinên Mewluda Kurdî de gelekî keda min heye. Ji ber vê kopîkirin û hwd. bloga min nîşan bidin.
Not: Büyük bir emekle yazdığım Kürtçe Mevlüt sözlerini blog yada YouTube kanalımı kaynak olarak  göstermek koşulu ile kopyalayabilirsiniz.